Премиерот Димитар Ковачевски најави зголемување на минималната плата во првиот квартал од идната година. Ковачевски рече дека согласно методологијата што беше направена на самиот почеток на мандатот на Владата, зголемувањето ќе биде во првиот квартал од идната година.
Имаме елемент на зголемување на продуктивноста на трудот и сметам дека економијата може соодветно да одговори на ова зголемување на минималната плата – истакна Ковачевски во одговор на новинарско прашање дали домашната економија во сегашните услови може да издржи нов „минималец“ од 20.000 денари.
Методологијата предвидува дека минималната плата се усогласува 50 проценти со зголемувањето на трошоците за живот и 50 отсто со растот на просечната плата. Минималната плата годинава беше покачена на 18 илјади денари, но требаше да се усогласат и другите плати со неа.
