Министерката за внатрешни работи Гордана Јанкулоска на покана на Владата на Шведска, а во рамките на шведското претседателство со ЕУ, во Стокхолм, учествува на неформалниот состанок на министрите за внатрешни работи и за правда на земјите од ЕУ, како и министрите од земјите кандидати за членство во Унијата.
Како што соопшти Министерството, состанокот е посветен на подготовката на нова стратешки работна програма во областа на ресорите за внатрешните работи и за правда, т.н. Стокхолмска програма, која треба да ја утврди рамката и фокусот на ЕУ соработката во подрачјата како полиција, гранични и царински прашања, азил, миграција и борба против организираниот криминал.
На состанокот, што ќе трае до 17 јули, предвидено е министерката Јанкулоска да има свое обраќање, а ќе оствари и повеќе билатерални средби со колеги од ЕУ.
{loadposition content9}
