Трагичен настан вчера во Гостивар. Момче на возраст од 28 години е убиено во близина на булеварот „Гоце Делчев“ во градот, објави „Гостивар прес“.
Според информациите на порталот од полицијата, жртвата е 28-годишен гостиварчанец со иницијали Г.А.
Околу 19 часот и 40 минути во полиција било пријавено дека во гостиварската болница „Ферид Мурад“ бил донесен 28-годишниот гостиварчанец Г.А, со влезно-излезна прострелна рана во главата – велат од СВР Тетово.
На момчето му била укажана помош, но тоа им подлегнало на повредите. Засега не се познати други детали за убиството.
