©2008 - Сите права се задржани. Powered by TVM.


Институт за јавно здравје

Намален бројот на новозаразени со ковид 19

ИЈЗ информираше дека од 8 до 14 август е регистрирано намалување од 8.7% на бројот на новозаразени со ковид во однос со претходната недела.
 |  инфодеск  | 
Kорона тест

Минатата недела се регистрирани сe 3.477 нови позитивни случаи на Ковид-19, што е намалување за 8,7 отсто во споредба со претходната седмица. Направени биле 7.682 тестови, а процентот на позитивност се движел од 33,4 до 49,4, просечно 43,6 отсто.

Според неделниот извештај на Институтот за јавно здравје за периодот од 8 до 14 август, најголем дел од регистрираните случаи се од Скопје, а највисока инциденца е регистрирана во Кавадарци, Неготино и Охрид. Регистрирани се заболени лица во сите возрасни групи. Најзастапена е возрасната група над 60 години, а најмал е бројот кај населението од 10 до 19 години. Во текот на минатата недела со статус „оздравени“ се стекнале 3.750 лица во хоспитални услови или на домашно лекување, 16,9 отсто помалку во споредба со претходните седум дена. Регистрирани се 729 реинфекции, со намалување од 10,8 проценти.

Пријавени се 16 смртни случаи, идентично како и минатата седмица. Сите се починати во болнички услови, а кај 15 се регистрирани коморбидитети. Во текот на минатата недела се хоспитализирани 52 лица, а моментално во болниците се лекуваат 199 пациенти, што е за 10,6 отсто повеќе во спроедба со претходната недела.

Од нив 55 се на кислородна поддршка, а еден пациент е на инвазивна/неинвазивна механичка вентилација. Заклучно со 14 август, во земјава се пријавени вкупно 335.451 случаи на Ковид-19. COVID-19. Оздравеле 322.468, а починале 9.424 лица. Активни во моментов се 3.559. Досега се направени вкупно 2.136.393 ковид тестови.

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top