Агенцијата за храна и ветеринарство (АХВ) информира дека засега нема известување преку Системот за брзо известување за небезбедена храна и храна за животни – (РАССФ) на ЕУ дека на македонскиот пазар се пласирани небезбедни супи.
АХВ, како што наведува, ја следи состојбата со повлекувањето супи во Германија и доколку добие известување преку овој систем, навремено ќе преземе мерки за евентуално повлекување на производи.
Инаку, во Германија Maggi повлекува две супи од брокули, бидејќи некои пакувања можат да содржат метални делови. Производот не смее да се консумира, бидејќи металните делови можат да предизвикаат повреди на устата, хранопроводот или гастроинтестиналниот тракт.
