Министерот за дигитална трансформација, Стефан Андоновски, во синоќешното гостување во „За или против“ на Алфа телевизија, зборуваше за измените на Законот за електронски документи, електронска идентификација и доверливи услуги, кои со најновите измени предвидуваат испечатениот електронски документ кој што ќе биде изваден од граѓанинот, да има иста важност како и оригиналниот документ. Веќе од вчера секој електронски документ од Националниот портал и другите државни институции може да се употребуваа како оригинал документ.
Нивната валидност ќе може да се потврди со скенирање на QR-кодот на документот, кој води до оригиналот на документот, а преку оваа можност се олеснува употребата на електронските документи во административните процедури и се стимулира поголема искористенот на Националниот портал за електронски услуги.
-За сите неправилности се предвидува воведување на инспекцискиот надзор (ИКТ инспекција) над примената на законот. Со тоа се обезбедува јасни правила за контролирање на исполнувањето на стандардите и барањата од Законот“, изјави министерот Андоновски.
