Бирото за јавна безбедност при Министерството за внатрешни работи (МВР) и Царинската управа, во заедничка акција, откриле поголема количина дрога на граничниот премин Богородица. Според неофицијални информации, акцијата била координирана, а на преминот биле извршени детални проверки на камиони од страна на тимови на Царина и полиција.
Според првичните информации, камионот во кој имало рециклирана отпадна хартија влегол од Косово и требало да оди за Грција, а крајната дестинација била Турција.
Од Министерството за внатрешни работи и од Царинската управа засега не откриваат детали, но најавуваат повеќе информации во текот на денот.
