Согласно податоците од Институтот за јавно здравје, Министерството за здравство информира дека во последните 24 часа, направени се 1.833 тестови, а регистрирани се 133 нови случаи на ковид 19.

Земјоделските стопанства од денеска ќе можат да поднесуваат барања за финансиска поддршка од Програмата за спроведување на Интервентниот фонд, соопшти Платежната агенција.

Туристичките агенции бараат укинување на рестриктивните мерки при влез во државата. Сметаат дека во пресрет на Велигденските, Првомајските и Рамазанските празници потребно е олеснување на протоколите на граничните премини. Целта е туристичко раздвижување и поголеми приходи во туристичкиот сектор, еден од најпогодените во изминативе две години во пандемијата.

Денес продолжува штрајкот во училиштата и градинките кој е организиран од СОНК. Вчера владата побара предлогот за 10-процентно зголемување на платите, СОНК да го прифати.

Со кампања под мотото „Предизвик“ Националното здружение „Храбро срце“ ќе ја подигнува свеста за органодарителството кај младата популација. Велат свеста за органодарување во земјава се` уште е многу ниска. Потребна е национална кампања со поддршка од државата и институциите, но и измени во законот. 

Агенцијата за промоција и поддршка на туризмот годинава очекува раст на бројот на туристи од 20 до 30%. Светската туристичка организација ја вброи земјава на петто место во светот како дестинација со најголем раст на странски туристи.

Предлог за укинување на задолжителното поседување сертификат за влез во земјава. Во ресторани, кафани, барови останува мерката за поседување сертификат за вакцина/прележаност.

Првоосомничениот за убиството на Тот е приведен и спроведен во Затвор Скопје за издржување мерка притвор. Лицето само се предало.