Цената на лебот не би требало да оди нагоре, мелничарите сметаат дека продажната цена од 25 до 27 денари е прифатлива и за произведувачите и за купувачите.

Најголемиот и најдолг пост во православната вера, големиот Велигденски или Чесен пост, почнува денеска и ќе трае до 24 април, кога се прославува најголемиот христијански празник Велигден.

Македонската редакција на Светскиот сервис на Би-Би-Си, денеска за последен пат емитува од Лондон вести на македонски јазик.

Во палатата „Пезаро Папафава“ во Венеција ќе бидат изложени двата уметнички проекта со кои Македонија ќе се претстави на престижното Биенале за уметност, што ќе почне во јуни и ќе трае до ноември.

Новиот евроамбасадор е непознат во нашата земја, но нашите северни соседи добро го познаваат. Младиот европски дипломат ќе ја продолжи мисијата на Ерван Фуере за приближување на земјава кон Европската унија.

Куќните совети, невладините организации, синдикалните организации и други слични здруженија на граѓани не се обврзани да плаќаат радиодифузна такса. Вака официјално се изјасни собраниската Законодавно-правна комисија, која по барање на пратеничката на ВМРО-ДПМНЕ, Катерина Димеска, го толкуваше членот од Законот за радиодифузната дејност кој пропишува дека правните лица се должни да ја плаќаат оваа јавна давачка.

Цената на бензините од утре се зголемува за 2,5 денари, а на дизел горивата за 2, односно 1,5 денари по литар, одлучи денеска Регулаторната комисија за енергетика (РКЕ)

Откако кексите „јафа“ на српската фабрика „Црвенка“ пред два дена биле повлечени од словенечките продавници поради „опасни состојки во амбалажата“, македонската Агенција за храна и ветеринарство вчера наложи тие да бидат повлечени и од продавниците во земјава.