Од синоќа на полноќ официјално стартуваше кампањата на политичките партии и другите учесници на четвртите претседателски и петите локални избори што ќе се одржат на 22 март.

Во касарната „Илинден“ денеска ќе биде одржана свеченост по повод 1 март – Денот на Полкот за специјални операции (пСО).

Министерството за здравство денеска од 11 до 15 часот организира „Отворен ден на Министерството“ на кој граѓаните ќе имаат можност изворно да се запознаат со проектите на Министерството и да ги изнесат своите предлози и сугестии.

Министрите за одбрана на Македонија и на Албанија, Зоран Коњановски и Газменд Окета во Охрид ќе имаат неформална средба во функција на развој и зајакнување на билатералната и регионална соработка.

Македонскиот вицепремиер задолжен за европски прашања Ивица  Боцевски, денеска, на вториот ден од посетата на Франција, ќе се сретне со францускиот министер за имиграција, интеграција и национален идентитет Ерик Бесон.

Околу 2.700 војници од шест држави вклучувајќи ја и нашата, до 9 јули, во две ротации, на Центарот за поддршка на обуката „Криволак“ ќе ја одржат теренската вежба „Одлучен удар“.

Министерката за внатрешни работи Гордана Јанкулоска и амбасадорот на Велика Британија во Македонија Ендрју Ки денеска во Министерствито за внатрешни работи ќе го означат завршувањето на тригодишниот проект за зајакнување на техничките и логистичките капацитети на МВР.

Министерот за информатичко општество Иво Ивановски денеска ќе престојува во работна посета на Република Словенија.