Експозитура на Комерцијална банка на улица „Партизански одреди“ спроти пазарот „Буњаковец“ во Скопје е ограбена утрово во 8 часот.

„Нигериски“ вирус ви ја хакира е-mail адресата на Yahoo и на сите контакти што ги имате во вашиот адресар им праќа порака дека сте во неволја, барајќи да пратат пари, најчесто во Лондон.

Во Царинската управа на Република Македонија во првите десет дена од стапувањето на сила на промените на Законот за царинска тарифа и на Законот за акцизи за царинење на нови и употребувани возила започната е постапка за царинење на вкупно 1.752 нови и половни возила од кои 1.405 се веќе оцаринети, а 347 се во постапка за царинење.

Софистицирани камери, нови алармни уреди и поголем број агенти за обезбедување ангажираат банките по серијата криминални упади и празнење на банкарските каси. Уни банка, откако улични банди и ги испразнија експозитурите во Мавровка и Скопјанка, од денска има ангажирано по двајца агенти кои стојат пред банката и на располагање имаат возило.

Поглаварот не го коментираше сомнителното потекло на австралијанскиот бизнисмен за кој се обелодени дека се соочил со повеќе кривични пријави за тепачки и насилство.

Во свидетелствата на учениците ќе се впишуваат резултатите од екстерното тестирање, кое од следната учебна година ќе се спроведува во сите основни и средни училишта. Ова е дел од измените што се воведени во Законот за основно и средно образование, што вчера ги соопшти ресорниот министер Никола Тодоров.

Македонскиот премиер Никола Груевски на крајот на месецов ќе има уште една средба со неговиот грчки колега Јоргос Папандреу на маргините на самитот на Европскиот Совет во Брисел, информираа од владата.

Движењето за социјална правда “Ленка“ денеска ќе протестира пред Универзалната сала во Скопје за повлекување на македонските војници од Авганистан.