Следната година дополнителни 5.500 пензионери ќе заминат на бесплатна бања, а 3.000 на бесплатен викенд со проектите на Владата која ги покрива трошоците за таа намена, најави премиерот Никола Груевски.

Учебната година денес започна за речиси 270.000 основци и средношколци, од кои 20.212 се првачиња. Во средните училишта настава ќе посетуваат околу 81.000 ученици.

По петнаесет месеци бојкот, пратениците на опозициската коалиција утре се враќаат во Собранието на Република Македонија.

Изборот на специјалниот обвинител, што е дел од преговорите на работните групи за спроведување на политичкиот договор, нема да може да се реализира со подзаконски акти, туку со усвојување на посебен закон, изјави за Алсат-М министерот за правда, Аднан Јашари.

„Деновиве, како по правило, тивко, надвор од очите на јавноста и со заобиколување на секаква постапка за консултација и јавна дебата, направено е уште едно кастрење на работничките права“, велат од левичарското движење Солидарност.

Владата ја разгледува за можноста за донесување на  законски измени со кои кога одредена вработена жена ќе има потреба да користи породилно боледување, работодавачот да има право на нејзино место да прими друго лице за кое во тој период нема да плаќа придонеси.

Управување со стратегиски комуникации, интегриран маркетинг, нови медиуми, развивање на деловни стратегии и јавна дипломатија. Ова се студиските програми на кои 40 студенти ќе имаат можност да запишат магистерски студии на Институтот за комуникациски студии.

Пратеничкиот бонус систем е неприфатлив за опозицијата и помалите политички партии