Од полноќ започна изборната кампања а пријавувањето на листите на кандидати е продолжено до 8 март.

Парното од денеска поевтинува за 14,24 проценти за граѓаните во Скопје што се снабдуваат од Балкан енерџи груп од топлана „Исток“ и за 13,45 за граѓаните што се греат на топланата „Север“.

Еврокомесарот за проширување Штефан Филе и европарламентарците Ричард Ховит и Јиржи Бусек, денеска ќе го имаат последниот обид да ги натераат Груевски и Црвенковски да ја разрешат политичката криза пред истекот на роковите за кандидирање на 3 март.

Посетата е потврдена од страна на Европската комисија.

Сопствениците на ноќни клубови во земјава од состанокот во Штип најавија граѓанска непослушност и истакнаа дека доколку Владата остане глува на нивните барања за отпочнување со работа, своеволно ќе ги отворат клубовите, започнувајќи од наредниот викенд. На состанокот присуствуваа претставници на 20 ноќни клубови.

Жителите на струмичкото село Дабиле се во шок, откако изгубија безмалку сè што имаа стекнато во животот во големото невреме и поплавите кое го зафати струмичкиот регион.

Денеска се навршуваат 9 години од смртта на претседателот Борис Трајковски, неговите соработници и членови на екипажот.

Канцeларијата за демократски институции и човекови права, ОДИХР, на ОБСЕ од денеска и формално ја почнува набљудувачката мисија на локалните избори во Македонија коишто треба да се одржат на 24 март. Според најавите, ОБСЕ ќе има 300 краткорочни и 20 долгорочни набљудувачи.