Запишувањето во прва година средно образование во учебната 2021/2022 година почнува денеска и ќе трае во наредните три дена. Според Конкурсот на Министерството за образование и наука, во јавните средни училишта слободни се 30 053 места во 913 паралелки во 109 средни училишта.

Српските државјани кои од денеска низ Македонија транзитираат кон Грција од Граничниот премин Табановце добиваат М-смарт картички за бесплатни патарини. Согласно одлуката, Србите -картички со кредит од 760 денари ќе добиваат до 15 август.

Државниот германски институт „Роберт Кох“ вчера ја обнови листата ризични на земји и региони за патување поради состојбата со ковид-19 и според новите податоци, Македонија повеќе не се смета за ризична држава.

Срцето на 44 годишната пациентка чие семејство несебично реши да ги донира органите, од утрово почна да чука во градите на пациент кој со години боледува од тешка кардиоваскуларна болест.

Русија прогласи еден вработен во Амбасадата на Македонија во Москва за персона нон грата како одговор за протерувањето на руски дипломат од земјава, соопшти амбасадата на Руската Федерација во Македонијa.

Триесет илјади вакцини од кинеската компанија „Синовак“ , донација од Турција, стигнаа денес во земјава, објави на Фејсбук министерот за здравство Венко Филипче.

Од синдикатот велат дека пари нема да добијат сите во јавниот сектор, туку само оние кои се опфатени со гранскиот колективен договор.

Владата ѝ препорача на Агенцијата за електронски комуникации, како надлежно тело, да формира работна група со релевантни институции и да се најде начин, спортските канали Спорт Клуб и Арена Спорт кои се регистрирани во нашата државада можат да се емитуваат на македонски/албански јазик.