Директорот на Управата за извршување санкции Александар Пандов потврди дека Игор Југ, еден од осудените за случувањата во Собранието на 27 април, починал синоќа на 54-годишна возраст.
Југ беше осуден на 12-годишна казна затвор за случувањата во Собранието на 27 април, отслужи осум години од затворската казна, а во моментот кога настапила смртта бил на отпуст поради влошено здравје.
Неговото последно јавно излагање беше во поткастот „Претрес со Ландов“, каде отворено зборуваше за тортурата низ која поминал, затворските денови и неговата иделогија.
