Од ноќеска поевтинуваат бензините и дизелот
Според одлуката на РКЕ, цените на бензините се намалуваат за 1,5 денари, а цената на дизелот за 3 денари по литар.
Од ноќеска на полноќ, цените на бензините и на дизелот се намалуваат за 1,5 и за три денари, соопшти Регулаторната комисија за енергетика.
Па така, од ноќеска на полноќ бензинот еуросупер БС-95 ќе се продава за 98,5 денари по литар, а литар еуросупер БС-98 ќе се продава за 100,5 денари. Литар дизел од полноќ ќе чини 97 денари.
Со одлуката на Регулаторната комисија за енергетика за три денари по литар се намалува цената на екстра лесното масло за домаќинство, кое сега ќе се продава за 108,5 денари. Цената на мазутот се намалува за 0,285 денари по килограм и ќе изнесува 49,597 денари.
