До седум часот утринава снежната покривка на Шапка достигнала 26 сантиметри, а на планината се измерени -3 Целзиусови степени, што е најниската измерена температура во моментов во земјава, информираат од Управата за хидрометеоролошки работи.
УХМР за денеска најави снег на планините и на повисоките места како резултат на спуштањето на температурите.
Освен на Попова Шапка, каде што утринава се измерени -3 целзиусови степени, ниски температури се измерени на повеќе места во земјава. Во Лазарополе се измерени -2 степени, 0 во Маврови Анови, 1 во Крушево, 3 во Охрид и Претор.
