Посредникот за решавање на политичката криза во Македонија, германскиот амбасадор во Австрија, Јоханес Ханјдл, денеска треба да пристигне во Скопје и да се сретне со лидерите на политичките партии, потписнички на Договорот од Пржино.
„Надоврзувајќи се на неговите претходни посети од минатите недели, Амбасадорот Хајндл одново ќе разговара со партиите- потписнички на Пржинскиот договор како и со претставници на меѓународната заедница“, пишува во соопштението од амбасадата.
Хајндл во Скопје ќе престојува два дена.
При неговата последна посета на 8 јуни, Хајндл рече дека има излез од политичката криза во Македонија, а тој е содржан во Договорот од Пржино, поради што е неопходно тој да се реафирмира и ревитализира, без одолговлекување.
