Пожарот помеѓу беровските села Будинарци и Митрашинци се става под контрола. Се очекува најдоцна до утре целосно да биде изгаснат.
Во гасењето на 50-ина хектари, освен пожарникарите од Берово учествуваа и екипи од неколку соседни градови. Од воздух, огнот со вода од беровско езеро се гасеше со полициски хеликоптер и со еден од ер тракторите на дирекцијата за заштита и спасување.
Вториот пожар кај делчевското разловци од ноќеска е изгаснат. Таму беше опожарена површина од 40-ина хектари со сува трева, нискостеблеста, борова и дабова шума. Екипите се на терен за да се спречи евентуално ново разгорување. Од дирекцијата за заштита и спасување беа на терен и упатија апел граѓаните да бидат внимателни.
Освен шума на истокот од државата ноќеска во оган настрада и свињарска фарма во штипското село Долани. Изгореа стотина прасиња, но при интервенцијата се спасени осум маторици и околу 100 помали свињи.
Синоќешните шумски пожари во Малешевијата и Пијанецот ги вратија сеќавањата од ланскиот голем пожар во кој изгореа над 3000 ха и се причини штета од околу 40 милиони евра на шумскиот фонд.
Извор/24.мк
