Шеснаесет лица од 17 лица кои вчера беа приведени при полициската акција „Шпион“ раноутрово се изведени пред истражен судија во Кривичниот суд во Скопје. 
Приведените во големата полициска операција се товарат за шпионажа, злосторничко здружување, уцена и измама. Според првичните информации на Министерството за внатрешни работи, членовите на групата преку свои канали доаѓале до класифицирани држани информации и истите ги предавале на странски разувначки служби. Борис Дамовски, режисер на емисијата „Еднооки“ доцна синоќа е пуштен на слобода по распитот во полициска станица.
Меѓу приведени се сегашни и поранешни вработени во МВР, Дирекцијата за безбедност и контраразузнавање, Агенцијата за разузнавање, Министерството за одбрана, еден вработен во Собранието како и сопственици на приватни компании.
МВР соопшти дека истрагата за случајот се водела во изминативе две години и дека при претресите извршени ноќеска и утрово пронајдени се цели простории со документација.
{loadposition content9}
