Македонскиот пијанист од светски глас Симон Трпчески вечер ќе настапи со Камерниот оркестар на Аспен во рамките на музичкиот фестивал во овој американски град.
На програмата е Вториот концерт за пијано и оркестар од Сен-Санс.
Ова е втор концерт на маестро Трпчески во САД овој месец. Минатиот викенд тој оствари исклучителна изведба на
Вториот концерт за пијано и оркестар од Рахмањинов со Кливлендскиот оркестар, во рамки на „Блосом мјузик“ Фестивалот во Кливленд.
Пијанистот Трпчески овој месец имаше настап и со Кралскиот филхармониски оркестар на Ливерпул, во Велика Британија, под диригентската палка на Василиј Петренко. До крајот на јули, нашиот пијано виртуоз со рецитали и камерна музика ќе се претстави и пред публиката во Швајцарија и во Франција.
{loadposition content9}
