АМСМ: Сообраќајот на сите регионални и магистрални патишта се одвива отежнато

На планинските превои Стража и Маврово поради лошите временски услови од 6,10 часот утрово е воведена забрана за тешки товарни возила, извествува Авто мото сојузот на Македонија.

Инаку, сообраќајот на сите магистрални и регионални патни правци низ државата, се одвива отежнато во зимски услови поради интензивни врнежи од снег и остатоци на коловоз. Дополнително отежнување се и ниските температури, кои  условија појава на голомразица

На возачите им се препорачува крајно внимателно возење, прилагодена и намалена брзина на движење по лизгавите и со остатоци од снег коловози и одржување на потребното растојание помеѓу возилата. Внимателно и на патните правци низ клисурите и планинските превои каде е почеста  појавата на поситни одрони. Ова особено се однесува за патните правци Катланово – Велес,  Демир Капија – Удово и Маврово – Дебар. Внимателно и на патниот правец Куманово – Табановце каде се уште се изведуваат работи на пат.

Интензитетот на сообраќај е умерен надвор од градските средини.На граничните премини нема подолги чекања за влез и за излез од државата. Потсетување на возачите на нивната законска обврска за задолжително поседување на зимската опрема во возилата.
{loadposition content9}