Секоја година голем број на птици прелетуваат илјадници километри за време на еден од најневеројатните настани во природата – сезонската птичја миграција. На овој долг и макотрпен пат птиците се среќаваат со различни опасности и неизвесности во зависност од регионот кој го надлетуваат. Но една опасност ги следи низ целото патување – загадувањето со вештачка светлина.
Како што човечките населби и транспортни канали се шират и растат така расте и вештачката светлина која го осветлува ноќното небо и директно влијае врз ориентацијата и дневните циклуси на птиците. Затоа на светскиот ден на птичјата миграција под мотото: Намалени светилки за потемен свет, за птици во вечерен лет – се испраќа порака за помош на овие моќни летачи на небото на кои со малку човечки напор и иновативност, значително ќе им се олесни животот. Секој чекор е важен.
14ти мај, се одбележува како Светскиот ден на птичјата миграција – ден на кој треба да се потсетиме за овој неверојатен потфат што илјадници птици го повторуваат секоја година и секоја сезона, притоа соочувајќи се бројни опасности по пат. Македонија е важна точна и станица за многу птици за време на миграцијата и затоа е важно да се грижиме за нив, но и екосистемите кои им се потребни.
