Верниците од исламска вероисповед денеска го прославуваат еден од најголемите празници-Рамазан Бајрам и се празнува три дена. Рамазан, деветиот месец во исламскиот календар е месец кога првите стихови од Куранот му биле откриени на пророкот Мухамед пред повеќе од 1400 години.
На овој ден муслиманите им помагаат на сиромашните, на децата без родители и на осамените. Тоа, како што велат познавачите на исламот е должност на секој муслиман за овој празник.
Празникот Рамазан Бајрам доаѓа по строгиот пост во кој верниците се воздржуваат од конзумирање храна, алкохол, цигари како и лоши мисли и дела од зора до зајдисонце. Денеска во сите џамии се служи Бајрам-намаз.
Утре, понеделник, вториот ден од Рамазан Бајрам е неработен ден за сите граѓани во државата.
