Според податоците на Државниот завод за статистика, туризмот, на ниво на Македонија, минатата 2015та година, во периодот јануари-декември, бележи пораст во однос на истиот период од 2014година.
Бројот на туристите е зголемен за 10.9% и тоа: кај домашните туристи има зголемување за 6.5%, а кај странските има зголемување за 14.2%. И бројот на ноќевања е зголемен за 9% и тоа: кај домашните туристи има зголемување за 6.6%, а кај странските има зголемување за 12,3%. Бројот на туристите само во месец декември 2015 година изнесува 40 333 туристи, а бројот на ноќевањата 77 423. Во однос на истиот месец во претходната година, во 2015та има зголемување на бројот и на домашните и на странските туристи, како и на бројот на остварени ноќевања. Во месец декември најпосетен бил градот Скопје, а по земја на припадност најчести се посетителите од Бугарија, Грција, Турција и Србија.
Во последниве шест години, 10 милиони евра се издвоени за субвенционирање на странските тур оператори. Годинава од 1-ви јануари, за гостите кои доаѓаат со чартер летови од Израел, Австрија, Малезија, Јужна Кореја, Италија, Франција и Шпанија, субвенциите се зголемуваат од 25 на 65 евра по лице, додека за туристите од Чешка, Словачка, Унгарија, Полска и Романија од 25 на 35 евра по лице.
