Денес променливо облачно

Променливо облачно со повремени локални врнежи од дожд. Ќе дува умерен, повремено засилен ветер од северен правец (наместа над 60 km/h).

Денес минималните температури од 6, а максималните до 16 степени Целзиусови.

Од УХМР информираат дека утре ќе биде променливо облачно со сончеви периоди и услови за повремени слаби врнежи од дожд во југозападните делови. Од понеделник следува период на стабилно и потопло време со пораст на дневната температура. Во недела и понеделник ќе дува умерен до засилен ветер од северен правец. Од вторник ќе дува слаб до умерен јужен ветер.