Минатиов викенд, на 30.11.2024 и 1.12 2024, во Скопје се одржа првиот UltiMATH натпревар по математика организиран од Brainster Next факултет.
„На овој настан нашите гимназијалци не останаа незабележани. Од вкупно 2500 учесници, наши 37 ученици се пласираа во наредната фаза каде што имаше 350 учесници. Со тоа влеговме во топ 3 Гимназии во државата со најмногу учесници. Понатаму, нашите Климент Велкоски, Теодора Трајческа и Дарио Павлески се пласираа во уште потесниот круг од 150 учесници од целата држава. А за вистинска пофалба и гордост е нашиот ученик Климент Велкоски кој се пласира во 50те најдобри во државата.“, информираат од ОСУ “Св. Климент Охридски” – Охрид.
