Овој петок точно напладне на плоштадот Св. Климент Охридски во Охрид, околу 450 матуранти од четирите средни училишта во градот ОСУ„Св. Климент Охридски“, СОСУ„Св. Кирил и Методи“, ЕМУЦ „Св. Наум Охридски“ и ОУТУ „Ванчо Питошески“ ќе го играат познатиот квадрил на музика од Штраус.
Матурската парада годинава се одржува по 15-ти пат и од 2001 година до денес на манифестацијата учествувале над 300.000 матуранти од 100 града во 10 европски држави меѓу кои се Македонија, Србија, Словенија, Босна и Херцеговина, Хрватска, Романија, Украина.
