Денес 3 мај 2016 година со почеток во 12 часот во Основното училиште „Братство Единтсво“ ќе се одржи првата Меѓугенерациска и мултиетничка средба на учениците од спомнатото училиште и пенизонерите на ЗП Охрид и Дебрца,кои заеднички ја организираат оваа манифестација.
Меѓугенерациската средба е по повод 66 години од постоењето на училиштето „Братство Единтсво“ и исто толку и на ЗП Охрид и Дебрца, како и јубилејот 70 години од пензионерското организирање во Македонија.
По поздравните аборови на замник градоначалникот Ангел Јанев, директорот на училиштето Муамер Доко и претседателот на пензионерите на Охрид и Дебрца Ѓорѓи Трпчески, ќе следи настап на Училишниот хор со неколку хорски композиции, настап на рецитаторската – драмска секција на пензионерите и настап на КУД „Далги“ со неколку староградски песни.
