Црвениот крст Охрид денеска учествуваше во вежбата „Хуманитарен одговор 2023” во организација на Црвен крст на Република Северна Македонија.
На оваа симулациска вежба за дејствување во итна ситуација – земјотрес учество зедоа повеќе од 500 лица, два хеликоптера и 40 возила. Учествуваа институции вклучени во Системот за управување со кризи и домашни и странски тимови од Црвениот крст.
Охридската организација на Црвен Крст учествуваше со тим за спасување на вода и со тим за прва психолошка помош и психо-социјална поддршка.
Вежбата која се одржа во Градски парк во Скопје беше под покровителство на претседателот Стево Пендаровски, а во склоп на одбележување на 60 години од катастрофалниот земјотрес.
Главната цел на вежбата е да се претстават капацитетите, можностите и подготвеноста на Црвениот крст во координираниот пристап за одговор при кризни состојби и катастрофи.
