При крај се подготовките за 24-тиот Василичарски Карневал Куратица 2023.
Со денови животот во ова село пулсира во знакот на карневалот кој има дваесет и четири годишна традиција. Жителите ги привршуваат последните подготовки, набавка на дрва за василичарскиот оган, се дотеруваат маските кои ги подготвуваат со многу внимание. Секоја различна и уникатна. Месната заедница од село Куратица, Здружението на граѓани Св. Василиј и населението на с.Куратица ве покануваат на 24-то издание (1 год пауза од пандемија) на Василичарски Карневал Куратица – 2023. Бидете дел од традицијата стара 500 години пренесувана од колено на колено.
ПРОГРАМА
13-ти јануари 2023 година
• 18:00 часот тргнување на василичарската поворка од пред васличарскиот оган, во посета на сите домаќинства
• Околу 04:00 часот завршување со посета на сите домаќинства
14-ти јануари 2023 година
• 18:00 часот, КУД ФАЛАНГА-ЛЕСКОЕЦ
• 19:00 часот, Музичкиот дел го започнуваат Оркестар МАЕСТРАЛ-Битола и Дарко Стојаноски празнување со дефиле на маските во 20:30 часот.
• 22:30 часот прогласување на најдобрите детски и возрасни маски, проследено со огномет.
• 01:00 часот привршување на василичарските празнувања.
За сите кои нема да бидат во можност да присуствуваат, целиот настан ќе биде емитуван во живо од страна на 2S Студио, информираат од Месната заедница на Куратица.
