©2008 - Сите права се задржани. Powered by TVM.


Одбележување со пригодна свеченост

5-ти мај Денот на македонскиот јазик

Утре, 5-ти мај во 12 часот Градската Библиотека од Охрид организира свечен настан по повод Денот на македонскиот јазик и азбука.
 |  инфодеск  | 
Градска библиотека

НУ Библиотека „Григор Прличев“ од Охрид утре на свечен начин и со пригодна програма ќе го одбележи 5-ти мај–Денот на македонскиот јазик.

На 5-ти мај 1945 година, со Решение на Народната влада на Федерална Македонија била усвоена азбуката на македонскиот јазик, а по два месеци, Министерството за просвета го озакони првиот правопис на македонскиот јазик.

Македонска азбука
??????????????????????????????????????????????????????????

Владата на Македонија во 2019 година донесе одлука 5-ти мај да биде прогласен за Ден на македонскиот јазик, во чест токму на ова решение.

Развојот на денешната македонска азбука датира уште со појавата на глаголицата и потоа со замената на глаголицата со кирилица и со постепено развивање и усовршување на гласовно-графичкиот систем.

Утре, по тој повод библиотеката во Охрид ќе потсети на значењето на Денот. Членови на Културолошката иницијатива „5 до 12 “ од Охрид ќе читаат сопствена поезија и песни од познати македонски автори. Ќе учествува и Пејачката група и оркестарот при КУД „Ѓердан од бисери“ од Охрид. Тие ќе изведат перформанс во живо во стилот на „Бушава азбука“ во придружба на народни инструменти. Присутните во аудио форма ќе го слушнат и сеќавањето на проф. д-р Људмил Спасов на втемелувачот на нашиот македонски јазик, големиот Блаже Конески – велат од Градската Библиотека.

Библиотеката на настанот закажан за утре во 12 часот посебно ги поканува наставниците по македонски јазик од основните и средните училишта во Охрид и роднокрајни писатели.

Со Вашата регистрација, неделно ќе добивате е-порака со најважните информации од регионот.


© 2008 - Сите права задржани. Поддржано од ТВМ ТелевизијА.
Back to Top