Педесетина кревети и придружна постелнина, медицинска опрема во гази, вати, потоа наткасни, масички за јадење за пациентите, сталаци за инфузии.
Оваа медициска опрема е дел од донацијата која ја доби специјалната болница за ортопедија и трауматологија „Свети Еразмо“ од Охрид. Според директорот на оваа медицинска установа, д-р Митко Тилевски, донираните кревети во голема мера ќе помогнат во подобрување на условите во кои престојуваат пациентите во „Свети Еразмо“. Оваа голема донација е обезбедена од страна на културното друштво „Октиси 2009“ со седиште во Сент Гален од Швајцарија. Од друштвото велат дека донираните кревети и медицинска опрема се обезбедени благодарение на добрите односи со поголем број здравствени установи од Швајцарија.
Целта на донацијата, како што велат тие е да се подобрат условите на пациентите во охридскиот и струшкиот регион.
{loadposition content9}
