Околу 80 извидници од 23 европски земји, заедно со „Чист Охрид“ го исчистија просторот околу Извидничкиот центар. Во акцијата опфатена е реката Коселска, како и плажите во околината.
Собрани се најмалку 50 вреќи ѓубре, односно најмногу отпад од пластични шишиња, кеси, марамчиња, стакло, но и телевизор и пластични столови.
Пред извидниците и активистите говор одржа Катерина Василевска од „Охрид СОС” за значењето и состојбата во која се наоѓа Охридското Езеро.
Упатуваме апел до сите граѓани, да ја чуваме нашата околина и постојано да работиме за подобрување на животната средина. Честит Ден на планетата Земја – велат од „Чист Охрид“.
