Согласно програмата на ЈП „Охридски Комуналец“ за вонредни активности во делот на чистење реки и речни корита, денес се изврши чистење на речното корито на реката Сушица, во делот на ул. „Прилепска“.
Од страна на јавното претпријатие е поставена заштитна преграда, со цел, превенирање и стопирање на комунален и пластичен отпад да заврши во Охридското Езеро. Ангажирана беше механизација, при што беа подигнати поголеми количини на тешко разградлив отпад и пластична амбалажа и истиот беше депониран на депонијата Буково – информираат од ЈП „Охридски Комуналец“.
Деновиве екипи на јавното претпријатие интервенираа на повеќе локации на крајбрежниот појас од Охридското Езеро.
Подигнати се поголеми количини тешко разградлив расфрлан комунален отпад, трска и отстранета е дива вегетација. Се чистеа плажите кај Грашница, Канео, Потпеш и Сараиште.
На крајот од градскиот кеј, во близина на Холандскиот Парк, се интервенираше со специјална механизација за расчистување на муљ, трска и друг вид отпад од езерските води, информираат од претпријатието.
