Акција за чистење на расфрлан комунален отпад на патните правци до с. Велестово и с. Рамне.
Екипите на Јавна хигиена спроведоа активности за подигнување на расфрланиот ситен комунален отпад (пластични шишиња, лименки, картонска амбалажа и др.) оставени од несовесни граѓани на патните правци до с. Велестово и с. Рамне. Овие активности ги спроведуваме во соработка со Национален парк Галичица и еколошките друштва согласно потпишаниот меморандум за соработка за подигнување на еколошката свест и едукација на населението – информираат од ЈП „Охридски Комуналец“.
