Активен е пожарот кај охридските села Вапила и Сирула – гори борова и дабова шума и ниска вегетација, соопшти Центарот за управување со кризи (ЦУК).
Интервенирано е со едно противпожарно возило на ТППЕ – Охрид со тројца пожарникари и три лица на ЈП „Национални шуми“, подружница „Галичица“.
Од утрово од 5 часот на терен се вкупно околу 50 луѓе. Пожарот гори на три страни и се прават напори за негово обиколување, но поради тешкиот терен гасењето оди отежнато, велат од ЦУК.
Освен овој активен пожар во Охридско, 26 се изгаснати, соопшти утрово ЦУК за состојбата со пожарите во земјава во изминатите 24 часа.
Во изминатото деноноќие (9-10 август 2022) изгаснати се пожарите кај Студеничани, Ѓорче Петров, Куманово, Битола, Прилеп, Ресен, Демир Хисар, Дебар, Тетово, Шуто Оризари.
