Градоначалникот Кирил Пецаков, денес оствари средба со амбасадорот на Словенија во Македонија, Н.Е. Милан Предан. На средбата се разговараше за политичко-економската ситуација во Македонија, а посебно за актуелната состојба на Општина Охрид и работењето на локалната самоуправа.
Словенечкиот дипломат беше информиран за тековните активности и проекти кои ги спроведува Општина Охрид и за очекувањата од престојната туристичка сезона.
Амбасадорот Предан изрази подготвеност, Словенија преку Центарот за меѓународна развојна соработка да донира средства во висина од 140 илјади евра на ЈП „Водовод“ за филтри за пречистителни станици.
Соговорниците се согласија дека Општина Охрид има одлична соработка со Амбасадата на Словенија и дека постои простор таа да се зајакнува и продлабочува.
