Mобилната апликација TrashPinger која ја создадоа ученици од ОЕМУЦ „Св. Наум Охридски”- Охрид е веќе достапна за преземање од Play Store.
-Со ова, нашиот ангажман во програмата UPSHIFT што ја реализираше Здружението Лидери за едукација, активизам и развој (LEAD) во рамки на проектот „UPSHIFT-ers for air quality“ спроведуван од УНИЦЕФ со финансиска поддршка од Шведска и Фондот за иновации и технолошки развој на Македонија е завршен во целост, велат од Здружението.
Креаторите на апликацијата се Климент Маријаноски, Ана Спироска, Ана Атанасовска, Дарко Крлески, Александар Спасеновски, под менторство на професорката Ирена Ралева Најдевска. Тие со проектот TrashPinger на GreenTech Entrepreneurship Challenge го освоија првото место и беа прогласени за Еко-претприемачи за 2022 година.
Сега ни преостанува да ја користиме апликацијата, да маркираме отпад и да организираме еко-акции.
Споделувајте и маркирајте за почист Охрид! Заедно сме посилни.
