До рубриката „Ти си твојот град“ наши сограѓанини испратија фотографии преку кои реагираат на паркирани автобуси во центарот на Охрид, кои според нив зафаќале 3-4 паркинг места. Ова е нивниот коментар:
На булеварот Македонски Просветители од кружниот тек до пожарна беа обележани паркинг места за зонско паркирање, вероватно за автомобили. Меѓутоа, секојдневно гледаме паркирани автобуси, кои зафаќаат по 3-4 паркинг места, а се жалиме нема доволно паркинг места. Автобусите се паркирани и по неколку денови, и се тоа пред носот на полицијата – велат охриѓани.
