Децата сеуште учат под азбестни покриви. Речиси сите основни училишта во градов се покриени со азбестни плочи кои не се променети со децении. Знаејќи ги штетните последици од азбестот кој е радиоактивен материјал ова е податок кој сите сериозно треба да не загрижи. Во основното училиште „Григор Прличев“ директорката Силвија Мојсоска вели дека и двете згради се покриени со азбест. Постарата зграда е од 1959 год. И тога
ш покривот бил направен со азбестни плочи. И после реконструкцијата која била направена во меѓувреме тие не биле отстранети. И новата зграда која е изградена 1990 год е покриена со овие канцерогени плочи.
–Уште пред три години изработен е проект во нашето училиште со кој е аплицирано во Министерството за образование за промена на азбестните плочи во двете училишни згради. Проектот е прифатен и очекуваме да се реализира, вели Силвија Мојсоска-директорката на ОУ “Григор Прличев“
Иста е ситуацијата и со училиштето Братство единство кое се наоѓа во Лескајца. И таму повеќе од дваесетина години учениците учат под азбестни плочи.
-Неколку пати имаме поднесено барања до Министерството. Направени се проекти уште пред три години, влезено е во програмата за промена на кровната конструкција, но уште конкретна реализација нема, вели Муамер Доко- директор на ОУ „Братство Единство“.
И најмалите дечиња кои се згрижени во претшколската установа градинката „Јасна Ристеска“се изложени на опасност од радиоактивно зрачење од азбесните плочи. Објектите на градинката „Развигорче“ и „Лихнида“ се покриени со овој опасен материјал.
–Сите институции се запознаени со проблемот. Доколку Министерството и Локалната не ни излезат во пресрет ќе изнајдеме начин од сопствени средства да ги смениме покривите, вели Розе Костоска- директорката на ЈОУДГ „Јасна Ристеска“.
Од локалната велат дека добро им е познат овој проблем. Тие подолг период наназад изготвувале проекти со кои аплицирале до Министерството за образование за добивање средства за оваа намена.
–Изготвени се барања и запознаено е Министерството за образование за да се обезбедат средства за менување на покривите, но знаете тоа многу чини. Се прават напори со програмата за образование за 2014-2016 сите азбестни покриви во училиштата да се заменат, вели Томе Џамтоски-портпарол на Локална самоуправа.
Инаку, азбестот е опасен тогаш кога се наоѓа во атмосферата и кога се вдишуваат неговите микроскопски влакненца што предизвикуваат три вида заболувања познати под групното име азбестоза, односно специфични кожни болести, како и малигни тумори на белите дробови.
{loadposition content9}
