Рачно изработен накит од бисер и филигран, рачно изработени сувенири од дрво, вино од автохтона сорта на грозје, спакувана традиционална храна и рачно изработен бакар денеска можеа да се видат во холот на Факултетот за туризам и угостителство. Ова беше финалната презентација од проектот „Младите како носители на културата, традицијата и знаењето во општина Охрид“. Во градов има млади луѓе кои сакаат да се занимаваат со мали бизниси, но потребна им е подршка и мотив.
Излагачите изјавија дека идејата е многу позитивна и дека треба да се практикуваат налви настани многу почесто.
Подршка на овој настан и на младите кои сакаат да започнат со нови бизниси даде и ФТУ. Професорката Ангела Василевска рече дека сите производи кои се автентични за нашиот град и тоа како можат да ја збогатат туристичката понуда на Охрид.
Покрај апартмани за спиење и добра традиционална храна во иднина ќе треба добро да размислиме во сместувачките капацитети да има и еден штанд на кој ќе бидат изложени наши автентични производи, како накит, вино, хтана на пример ајвар, мармалад, туршија кои странците ќе ги купат и ќе ги понесат во своите земји каде ќе ги споделат со своите роднини и пријатели и тоа е всушност најдобрата промоција за нас, вели професорката Василевска.
Во рамките на овој проект кој го организираше Општина Охрид беа одржани три едукативни работилници и тоа за изработка на накит од бисер и филигран, за пакување на традиционална храна и подготовка и изработка на електронска брошура
Целта на овие работилници беше да се обучат младите на кој начин да ги промовираат традиционалните вредности на Општина Охрид преку изработка на занаетчиски производи, а и да се изнајадат нови иновативни и трендовски начини на пакување на храна и пијалоци, рече раководителот на Секторот за ТЛЕР, Ѓоко Апостолов.
Инак, проектот ,,Младите како носители на културата,традицијата и знаењето во Општина Охрид”, е финансиран од Министерство за култура во областа на креативните индустрии.
{loadposition content9}
