Во Охрид отворен вториот политички штаб на Обединети за Македонија по оној во Скопје. На отварањето присуствуваше и партискиот лидер Љубе Бошкоски. Бошкоски оствари средба со приврзаници и членови на партијата. Се осврна на актуелните политички случувања на македонската сцена поврзани со јазикот, името и гардењето на добрососедски однсои. Во своето обраќање меѓу другото кажа дека како партија која учествува во партиципација на новата власт не сака Македонија во која владее страв и поделба.
„ Македонија мора да ја градиме да ја внесеме во НАТО И ЕУ никој нема да ни го загрози идентитетот, јазикот и името.Се друго се лаги и конструкции. Народот се навикна на такви конструкции , но сега се одвикнува. Никој не може да ни го земе идентитетот. Да заврши времето на делење, ова е време на поврзување и обединување на граѓаните ,а тоа е нашата света мисија на Обединеити за Македонија. Да ги надминеме поделбите на верските, националните и интернационалните основи и да ја вратиме Македонија на вистинскиот пат “, порача Бошкоски.
Љубе Бошкоски истакна дека нивна заложба ќе биде враќање на членството и сјајот на нивната партија, кој во духот на вмровските демохристиајнски и обединувачки вредности се вткаени во програмските цели на Обединети за Македонија.
