Поради проблемот кој што настана при продажба на карти за претставата „Секс, лаги и љубомора“ која што е закажана за 2-ри ноември, Центарот за култура преку соопштение јавно се извинува на охриѓани и воедно ја информира јавноста дека претставата повторно ќе се прикажува на 3-ти ноември. Соопштението го пренесуваме во целост :
Почитувани љубители на тетарот, Центарот за култура „Григор Прличев”Охрид се извинува за проблемите кој што настанаа во вчерашниот ден при продажба на билети за претставата „Секс,лаги и љубомора”. Ве известуваме дека истата повторно ќе се прикажува на 03.11 2022 (четврток) со почеток во 20 часот. Билетите се пуштаат во продажба во среда 02.01.2022при што секој може да купи најмногу 4 билети. Ви благодариме на рaзбирањето – се вели во соопштението на Центарот за култура „Григор Прличев“ Охрид.
