Голема чест, но и одговорност е да се биде прв човек на една научна институција, вели Д-р Сузана Патчева, новиот директор на Хидробиолошки завод. Таа објаснува дека генерално е задоволна од состојбата во која го затекна заводот, но додава дека и понатаму треба да се унапредуваат можностите на институтот.
Финансиски може да бидеме и подобри, а исто така посакувам да биде примен и млад научен кадар, вели директорката.
Во Хидробиолошкиот завод во моментов се вработени 16 доктори на науки и 4 магистри кои се насочени кон истражувачка дејност. Вклучени се во неколку билатерални и трилатерални проекти на кои интензивно работат. Приоритет е секако Охридското езеро. Патчева вели дека секогаш се во тек со случувањата во Охридското езеро и постојано вршат истражувања, а се консултирани и од другите институции кои се грижат за неговата заштита
Директорката вели дека во иднина ќе работи на тоа што повеќе да се развива научно истражувачката дејност за науката да си го најде вистинското место во општеството. Таа додава дека Хидробиолошкиот завод е единствен институт во државава од ваков вид и треба сите заедно да работат на надминување на некои технички проблеми кои во изминатиот период ја пратеа неговата дејност. Патчева предвидува поубави денови во ова научна установа.
{loadposition content9}
