![Црвен Крст Ден на стари лица](https://tvm.mk/wp-admin/admin-ajax.php?action=kernel&p=image&src=%7B%22file%22%3A%22wp-content%2Fuploads%2F2023%2F10%2F385759940_713680964132041_5496404355637402971_n-e1696252101924.jpg%22%2C%22thumbnail%22%3A%221200%2C%2C%22%7D&hash=65c20b31)
Црвен крст на Република Северна Македонија – Општинска организација Охрид и оваа година се вклучи во одбележувањето на 1 Октомври, Меѓународниот ден на старите лица, воспоставен од страна на Обединетите нации во 1990 година. Целта на одбележување на овој ден е да се охрабруваат земјите во светот да привлечат внимание и да ги оспорат негативните стереотипи и заблуди за постарите лица и стареењето и да им овозможат на постарите лица да го реалзираат својот потенцијал.
![](https://tvm.mk/wp-content/uploads/2023/10/385890577_713680960798708_121403401823651497_n-1024x768.jpg?x28309)
Годинава, темата на одбележувањето на 1 Октомври е „Исполнување на ветувањата од Универзалната декларација за човекови права за постарите лица: Низ генерации“.
![](https://tvm.mk/wp-content/uploads/2023/10/385706275_713681287465342_3914970721387628840_n-1024x768.jpg?x28309)
По тој повод, денес во просториите на Црвен крст Охрид, се одржа интерактивна работилница и презентација на основната тема на годинешното одбележување на 1 Октомври. Оваа работилница, покрај со проширување на знаењата за правата на постарите лица, резултираше и со одредени размислувања и предлози поврзани со состојбата, околностите и грижата за старите лица во нашето општество и локалните заедници. Работилницата ја водеше долгогодишниот волонтер и дисеминатор за меѓународно хуманитарно право Љупчо Милкоски.