Традиционално, и оваа година општинската организација на Црвен крст ќе ја одбележи Неделата на промоција на хумани вредности (ПХВ).
Настанот ќе се одржи утре, петок, во просториите на Црвен крст Охрид со почеток во 14 часот, а на настанот ќе бидат презентирани овогодинешните ПХВ проекти, реализирани од страна на младите волонтери, со цел промовирање на солидарноста, хуманоста и активната вклученост во заедницата.
-Како знак на признание и благодарност, ќе бидат доделени благодарници на сите младинци и донатори кои активно учествуваа и придонесоа во изработката и реализацијата на овие значајни проекти, се вели во соопштението од Црвен крст – Охрид.
