Дефект на кујнски аспиратор презивика пожар во стан

Дефект на кујнски аспиратор предизвика пожар во стан во зградата на улицата „Кузман Јосифовски – Питу“, лоциран над просториите на фирмата „АМЦ компјутери“.
Од охридската територијална противпожарна единица информираат дека пожарот избил претпладнево во кујна. Огнот започнал од кај инсталацијата на кујнскиот аспиратор. Пожарникарите навреме интервенирале  и спречиле поголема материјлана катастрофа.

„ Успеавме веднаш да го изгаснеме, при што не е причинета поголема материјална штета“, информираат од дежурната противпожарна служба.
Од територијалната противпожарна едница и дирекцијата за заштита и спасување постојано апелираат до граѓаните за време на грејната сезона еднаш  месечно да ги чистат парособирачите и аспираторите, покрај одржувањето на оџаците и огништата- котли за парно греење. Парасобирачите и аспираторите се потенцијални предизвикувачи на пожар и треба да се одржуваат еднаш месечно, додека во текот на годината треба да се изврши надзор и на вентилационите канали, стои во повикот до граѓаните од  овие две институции.  

{loadposition content9}