Од денес до 27 јули, недела, Охрид повторно ќе стане живо гледалиште на новиот европски филм. Осмото издание на „Beach Film Festival“ ќе се одржи на четири внимателно избрани локации: главното отворено кино на плажата Славија, култната плажа Сараиште, Брод Армада и Младинскиот центар во Охрид. Фестивалот годинава носи повеќе од 60 филма од современата европска кинематографија – внимателно селектирани, со свежи авторски гласови, најавуваат од „Beach Film Festival“.
Свеченото отворање на Beach Film Festival започнува во 20:30 на плажата Славија, со проекциите на раткометражните македонски филмови „Амра“ во 20:45 и „Состојба на умот“ во 21:00, а во 21:15 започнува долгометражниот полски филм „Губење на рамнотежа“. Веднаш потоа е предвидена музичка програма со DJ Шизика. Влезот е 200 денари.
Денес на плажата Сараиште ќе бидат прикажани следните филмови за деца во 20:30 стартува проекцијата на „15 години и еден ден“, а во 22:00 започнува „Млади шаман“. Влезот е слободен.
Сите продадени карти и доброволни донации ќе бидат донирани на погодените семејства од пожарот во Кочани.
