Девојка од Белгија и малолетник од Скопје нападнати во два одвоени инциденти во ноќни клубови во Охрид

Полицијата во Охрид лишила од слобода две лица по пријава за физички напад врз малолетник во ноќен клуб и на бензинска станица.

На 31.07.2026 во 03:20 часот, на булевар „Железничка“ во Охрид, полициски службеници од СВР Охрид ги лишиле од слобода две лица од Скопје на возраст од 20 и 18 години, постапувајќи по претходна пријава дека во ноќен клуб на булеварот, а потоа и на бензинска станица, физички нападнале малолетник од Скопје, при што употребиле тврд предмет.

Физичкиот напад врз малолетникот во СВР Охрид бил пријавен во присуство на претставници од Центарот за социјални работи. По консултации со јавен обвинител, против напаѓачите ќе бидат поднесени соодветни пријави.

На 30.07.2026 во 23:55 часот во СВР Охрид било пријавено дека во ноќен клуб во комплексот „Инекс“, едно лице физички нападнало 24-годишна државјанка на Белгија. Се работи на расчистување на настанот, по што против напаѓачот ќе биде поднесена соодветна пријава.